INKLYUZIV TA'LIMNI QO’LLAB-QUVVATLASH UCHUN O’QITUVCHI TAYYORLASHDA INTERDISIPLINER YONDASHUVLAR

Abstract

Mazkur maqolada Oʻzbekistonda inklyuziv taʼlimni qoʻllab-quvvatlash uchun oʻqituvchilarni tayyorlashda interdisipliner yondashuvlarning ahamiyati tahlil qilinadi. Inklyuziv ta’lim jarayonida pedagoglar nafaqat an’anaviy ta’lim metodikalarini, balki psixologiya, defektologiya, logopediya, sotsiologiya va tibbiyot kabi sohalarga oid bilim va koʻnikmalarga ega boʻlishi lozimligi asoslab beriladi. Maqolada Oʻzbekistonda qabul qilingan “Ta’lim to‘g‘risida”gi qonun (2020), PQ-4860-sonli Prezident qarori (2020) kabi me’yoriy-huquqiy hujjatlar tahlil qilinib, mavjud muammolar va ularni hal etish yo‘llari bayon etiladi. Shuningdek, pedagoglarni tayyorlashda interdisipliner yondashuvni kuchaytirish, maxsus kurslar va amaliy mashg‘ulotlarni ko‘paytirish, pedagoglarning malakasini oshirish tizimini takomillashtirish bo‘yicha aniq takliflar ilgari suriladi. Tadqiqot natijalari inklyuziv ta’lim sifatini oshirish va alohida ta’lim ehtiyojlari bo‘lgan bolalar uchun teng ta’lim imkoniyatlarini yaratishga xizmat qiladi.